مرحباً بكم جميعاً
عذراً للتأخير في وضع موضوع جديد ,
ذكرت مُسبقاً بان مقدار الحماية التي توفرها برامج الحماية Anti virus تقريباً = 60% , ولكن ال 40% تتوجه لاي اساس ؟! او من يحتل النسبة الاخرى ؟
ان لبرامج التحليل والفحص واقصد برامج تحليل العمليات وفحص عمليات الانترنت ما يقارب 10% من اهم الامور لهذه الادوات البرامج هي :
1- تساعد هذه البرامج على معرفه ما اذا كان الجهاز مُخترق او لا 2- تساعد هذه البرامج في التخلص من المخترقين في حال ان الحماية لم تستطع ذلك 3- تساعد هذه الادوات في مراقبة عمل الجهاز والتأكد من سلامته
حد يقولي انا مش فاهم ازاي ده ؟
هقولك مثال بسيط اي حد دلوقتي مثلا لما في برنامج بيهنج معاه يروح عامل ctr + alt + del هيظهر عنده ال تاسك منجر Task manager ويروح عامل انهاء او end للبرنامج ال تاسك منجر ده هو عباره عن برنامج تحليل العمليات والاتصالات لكن مشكلته انه بسيط جدا ومش بيوضحلك كل حاجه .
وبرامج فحص الاتصالات و العمليات نفس الفكره ونفس الحاجه لكن فيها نوع من التوضيح والسلاسه والتصنيف للعمليات والاتصالات عشان انت حضرتك تعرف بنفسك
طيب هو انا يعني هعرف لو حد مخترقني او لا لو استخدمت الحجات دي ؟ طيب هو انا هفهم على البرامج دي ازاي ؟
طبعاً انت هتعرف لو حد مخترقك او لا هتقولي ازاي ؟
هقولك ازاي دلوقتي برامج فحص العمليات والاتصالات بتوضحلك كل حركه بتحصل في جهازك قدام عينك او ورا قفاك هه , فمثلا لو انت فاتح عندك الفيرفوكس برامج فحص العمليات والاتصالات دي هتوريلك ان انت فاتح الفيرفوكس دلوقتي , لو انت مثلا فاتح حاجه تانيه برضو هتقولك انك فاتح الحاجه دي , , طيب لو انت مثلا مشغل حاجه بس مخفية يعني مش ظاهرة قدام عينك , برضو البرامج دي هتوريلك الحاجه اللي انت مش فاتحها .
طبعاً عشان نفهم البرامج دي انا هعمل شرح بالفيديو وهرفعو اليوتيوب عشان اوضح اكتر لكن انا الاول هحط الحجات النظريه عشان تفهم شويه ولو عندك سؤال تحطه وانا اجاوب عليه .
طيب انت قولت قبل كده ان لو انا عندي برنامج فيروول Firewall ان انا هقدر اعرف الاتصالات اللي جايه واللي رايحه ؟ طيب وظيفه برنامج فحص الاتصالات ايه ؟
لو انت فاكر ان انا قلت ان الهاكر ممكن يتخطى الفيروول بتأجيل الاتصال وكده , لكن مع برامج فحص الاتصالات لا ينفع معاها تأجيل ولا تأخير ولا تقديم ولا اي حاجه هتجيب الاتصال اللي بيحصل من قفاه وتقولك الاتصال ده عاوز يدخل او يطلع , ,
طيب انا ممكن اعرف ان الاتصال ده خبيث او اتصال هكر ازاي ؟
الحجات اللي بيستخدمها الهاكر عشان يعمل اتصال هو انه بيستخدم DNS وال DNS بيكون عباره تقريبا عن sub domain و في ال فيروول او في برامج فحص الاتصال هيقولك اسم ال DNS ده , , طبعا اغلب الهاكر بيستخدمو موقع no-ip.com عشان يحصلو على DNS
يعني اغلب اتصالات الهكر بيكون الDNS بتعاها عامل زي كده : .biz - .no-ip - .noip.info وكتيير هبقى اوريهالكم برضو
برامج فحص العمليات والاتصالات كتيره منها :
procexp - hacker rocess - spy process - MTNA - Iris network - Net work analysis
البرامج متعدده وكتيير وانا هشرح لكم على الحجات المهمه منها وانت بعد كده هتقدر تستخدم باقي البرامج اللي زي دي , ,
إرسال تعليق